［是日估你唔到］名成利就，人人想擁有！全球第二首富（已被人爬頭），亞馬遜嘅光頭佬Jeff Bezos，出業績時忽然話唔撈了！會Step down CEO，傳位畀Andy Jassy，講真都唔識，但係而家睇AWS嘅。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
見到股價反應不大，同當年Steve Jobs死咗幾唔同，呢個現象可以講下。講意外應該光頭佬唔撈意外啲，SJ身體唔好大家都知。但今次股價冇乜反應，可能正係吸收咗SJ死後蘋果依然長升長有嘅教訓。另外，雖然都係Founder，但始終蘋果好大程度賣品牌賣品味賣氣場，SJ個人魅力曾經係好重要—相比之下，冇人係因為光頭佬而幫襯Whole Food或者用AWS下話？當然仲有嘅係，光頭佬只係行開，我唔相信佢會咩幕後操縱（華人就會），但我意思係，佢先60歲唔夠，有乜依郁要再出山都得，唔係SJ咁真係死咗。
另外，都真係要講，鬼佬上市公司都真係唔同，一般唔玩父傳子。事實上個仔亦未必想接，真係同東方人文化唔同，根本人地好多時錢都唔留畀個仔。唔好忘記，Amazon冇玩同股不同權（蘋果都冇），股東要踢走光頭佬或光頭仔，十分簡單。
呀另外，我好似昨日先寫過「相信今年內光頭佬會重奪首富之位」，會唔會唔多樂觀？我是燈神
另另外，昨晚我買六合彩，買8個字一個都唔中，好似都連續幾次，我是燈神。
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1300人訂！（https://bityl.co/4Y0h）。年費仲有85折
Search